中文
 
   
 
 
 
 

【菁英盃 - 天水圍飛馬 0:0 傑志】

2020/11/05
 
 

天水圍飛馬 0:0 傑志

今場天水圍飛馬有兩個「bobby」波比同郭子堦、陸平中同埋陳靜謙首次正選上陣,貫徹練兵同提升本地球員狀態嘅目標。 不過飛馬上半場同傑志踢成均勢,16分鐘,何家智把握對方後衛漏踢之下施展「窩利」不過角度稍嫌正中。22分鐘,孫銘謙比個直線,波比接應起腳不過省中對手。32分鐘,波比傳中,艾里奧情急之下爭啲擺烏龍。43分鐘,「孫7」罰球射個地波不過被接實,上半場都係未能打破僵局。 下半場飛馬初段攻勢佔優,手榴彈掉入禁區,波比近門抽射不過省中對手,郭子堦之後都有個遠射但斜出。兩隊其後各有攻勢,但陳靜謙78分鐘喺自己禁區入面受傷,球證認為佢拖延時間將佢趕離場,不過飛馬踢少一個之下盡顯拼勁,最終都維持和局到完場。 今場為飛馬鎮守後防嘅劉學銘賽後表示球隊繼上場對標準流浪後再度保持不失,顯示訓練成果:「球隊成軍之初需要時間建立默契,第一場落敗後,連續兩場保持不失令人鼓舞。陳靜謙領紅後令我們要更集中防守,幸球隊達成目標,希望星期日對理文可以保持表現,力爭出線!」

#菁英盃 #旺角大球場 #TSWPegasus #天水圍飛馬足球隊 #tswpfc #WeSucceedTogether

 
索引
最新消息
新聞稿
 
 
合作夥伴
Copyright ©TSW Pegasus FC Limited. All rights reserved. 版權所有 不得轉載。 使用條款 designed by Stanley C